呢幾晚唔知因乜解究, 竟然瞓唔到覺~~
瞓下又醒下, 到瞓得着時就瞓一兩個鐘, 仲要有夢發個隻, 發到咁上下又醒, 又瞓唔返, 臨天光先黎瞓得着, 但係就差唔多又要起身返工, 救命呀~~~~~~~~~~~
以前都唔會咁嘅, 因乜事家陣會無覺好瞓架?! 無壓力、無諗嘢、無緊張, 點解無啦啦會咁架?!
2007年1月30日 星期二
2007年1月29日 星期一
被Blog友LaLa "踢" 中咗~~
被Blog友LaLa "踢" 中, 之前都見過, 但無玩, 今次就俾面LaLa, 即管一玩啦!
Upon LaLa's invitation, I'm participating in this tag. So, here goes:
遊戲規則﹕將所有愛的問題誠實地答出來﹐不能說某某,所有和不知﹐答完後,請點名8位朋友繼續下去﹗
_____________________________________________________________________________
寫出填寫日期﹕2007 年 1 月 29日
愛的食物﹕雪糕、甜品
愛的顏色﹕白色
愛的休閒﹕煮嘢食、整甜品(但好耐無整過!)
愛的老師﹕甜品老師Shadow
愛的歌手﹕劉德華
愛的個性﹕顧家, 實際
愛的口頭蟬﹕你話事啦~~
愛的小動作﹕托眼鏡
愛的季節﹕夏天
愛過的人﹕曾經愛過嘅人
愛的人(男/女)﹕我老公
愛的節日：聖誕節
愛的運動﹕游水
愛的定義﹕互相遷就、坦承相處
愛人的時間﹕時時刻刻都愛我愛的人
愛我的人﹕我老公、屋企人, 仲有身邊嘅朋友
____________________________________________________________
決定唔 "踢" 人啦~~ 有興趣就自己玩下啦~~
2007年1月25日 星期四
可愛押韻告示
今日係一位blog友Soldier嘅blog入面, 睇到佢發表嘅一篇網誌 -- 可愛押韻告示
果然係好押韻、好有趣! haha...... 
資料摘取自Soldier Blog:
http://hk.myblog.yahoo.com/jw!74r7MbCTHgMWbOQGv18KSwH.nlQ-/article?mid=908
2007年1月24日 星期三
2007年1月21日 星期日
人體奇妙小發現
人體奇妙小發現
1. 喉嚨覺得痕痕地果陣 , 係咪以為乾咳可以整走佢呢?
錯 lar! 原來搞下隻耳仔 , "liu"又好 ,"抓"下痕又好 , 就可以刺激到耳仔ge神經而令你止痕
2. 去party或者落club,,想 "撘舢" , 但d音樂太大聲 ,人地講咩你都聽唔到點算呢??
"拱" 隻右耳去聽就會清楚d lar~
原因係右耳對談話敏感d , 相反左耳對音樂比較敏感.
3.打針怕痛點算好?
o係個醫生打你針果陣咳幾聲可以令你覺得無咁痛架~~原因係會令心口氣壓升一升 , 唔知點咁啦~ (太深唔識譯)
4. 鼻塞係咪令你覺得好唔舒服呢?
只要你要舌尖頂一頂上腔 , 再用手指按一按眉心 , (要有力)可以令你o係廿秒內趕走鼻塞 ~!
原因係咁樣會搖動你鼻塞果部分ge鼻骨
5.訓醒覺得胃酸"lar"住喉嚨 ?
打側訓果陣向左就會冇問題~ 因為如果你向右就會吊住個胃咁 , 胃酸就會倒流 , 造成疼痛/口氣.
6. 牙痛果陣 , 用冰敷虎口ge位置 , 會刺激口腔神經 , 從而止痛
7. 煮野食唔小心燒親手指點算?
唔好即刻用冰敷 , 應該用另一隻手指輕輕捽佢 , 咁樣可以幫傷口回復正常體溫 , 唔會起水泡
2007年1月19日 星期五
2007年1月7日 星期日
週六、週日
6 Jan 2007
與張先生上咗深圳少年宮嘅又新又大嘅書城, 真係好大呢~~ 不過各位打算去呢度買書時, 記住自備購物袋, 因為如果無帶, 就要俾錢買佢地嘅紙袋, 最大要成1.5人仔, 佢話可以裝到20斤書喎!
少年宮站(地鐵站)附近d建築物都好現代, 有公共圖書館, 好似好大咁, 本想入去見識下, 但太攰啦~~ 對面有個音樂館, 不過應該未裝修好!
去完書城, 但張先生想去藝展中心附近睇燈飾家品, 去到又搵唔到, 已經好攰, 加上自己本身身體不太舒服, 頂不住, 於是速速返屋企!
夜晚張老太返咗黎, 同佢一齊食飯, 食飯過程不太愉快!
****************************************************************************************
7 Jan 2007
張先生要返工, 好攰, 自己係屋企休息, 瞓到12點幾先起床! 煮咗個豐富河粉...
有貢丸、燒賣、娃娃菜、煎蛋同埋河粉!!!
食飽又有睡意, 睇咗陣電視, 三點幾午睡到六點半, 瞓醒就叫外賣 -- 鮮茄肉片飯, 但係唔好食! 但係瞓得多得濟, 夜晚瞓唔着.......................唉...............................................
2007年1月4日 星期四
寫真
我Pizza妹妹都好耐無見過大家啦~~ 係度祝各位哥哥姐姐新年快樂! 身體健康! 心想事成! 萬事如意! 開開心心!
敏儀姐姐臨返澳洲前, 幫我影咗輯寫真, 佢係咁幫我換衫影相, 再換衫影相...............
初初都好神氣.............................................
好似bb仔坐咁, 係咪好得意呢?!
矇醒醒嘅我..............................................................................
恭賀新年, 恭喜恭喜! 哎吔~~ 開始攰攰地............................................
小蜜蜂, 嗡嗡嗡~~~ 好眼瞓添.....................................................
小白兔要眠一眠先啦........................................................................................
ZzZzZzZzZzZzZzZzZzZzZzZzZ...........................................................................
2007年1月2日 星期二
)
2007年1月1日 星期一
結婚一個月
1 Jan 2007
新一年又開始, 亦是結婚一個月嘅紀念日! 張先生今日要返工呢~~~
一早同爸爸媽咪飲茶, 跟住同媽咪逛吉吉島(照價再八折), 今日shopping癮發作, 買咗一件外套, 一件衫, 一個燉盅, 一隻深嘅煎pan! 個pan好第呀, 原價三百幾蚊(佢話), 折咗二百七十幾蚊, 再八折二百四十幾蚊! haha.......
買咗咁多嘢, 無返娘家, 直接回家! 新一年嘅第一日做咗d乜?! 咪就係開pan囉 (人家買新鑊就開鑊, 我買個pan就要開pan, haha...) 個pan要用半碗油煲到出煙, 跟住再用吸油紙抺勻成個pan, 再放一晚先用得!!! 其實對住咁大兜熱油都幾驚~~ 搞好個pan, 跟住就"大工程" 囉~~
又驚放張吸油紙入去會着火 
...
就係同油煙機洗白白!!! 個抽油煙機 "乾淨" 到呀....................... 抺到咁上下, 龍嫂打電黎約一齊食晚飯, 於是我地兩個人去咗粉嶺食日本嘢! 間嘢都幾好味呢~~ 下次要帶張先生去試下先得!
d千年油積係個兜兜度凝結晒都無人清理過............... 咪又係我清囉~~ 鬼叫自己有少少潔癖, 兼且係度住, 睇唔過眼, 咪同抽油煙機沖涼囉!!! 
赤柱半日遊
31 Dec 2006
朝早同爸爸媽咪飲茶, 跟住返咗娘家坐咗一陣, 之後就去咗赤柱遊!
因為第一次揸車去赤柱嘅關係, 張先生係咁行錯路, 去到跑馬地, 兜來兜去, 亂打亂撞之下又兜到去赤柱嘅路喎~~ haha.........
入到赤柱, 多人多車到丫~~~~~~ 無位泊車 係海灘度逗留咗一陣就起行, 繼續搵車位!!! 中途路過富豪海灣, 果然好富貴呀!!!
行呀行... 四圍搵車位, 山長水遠都無!!! 行咗去聖士提反泳灘
行下行下, 發現有條街最尾部車好似想走咁, 但張先生過咗個路口 去到個車位, 果然部車走咗, haha...... 
於是我地用最快嘅速度搵地方掉頭, 掉咗頭, 向車位進發之際, 對面線有部烈火戰車又好似我地咁, 以最快速度行駛, 我同張先生都估個個人又係見到個車位吧~~~去到赤柱嘅第一站就係..................................
好彩我眼夠利睇到遮, 如果唔係, 都唔知等到幾時先有車位囉~~~~~ 當我地泊好車, 部烈火戰車駛至, 個司機哥哥好失落咁望住我地, 跟住就走咗!!!
係度食tea, 咪睇呢間鐵皮店仔細細, 真係超多人呢~~ 多人自有佢嘅原因嘅~~~~~
又香又滑奶茶, 既香奶味, 亦香茶味, 正正正呀!!!
熱狗包, 無乜特別, 特別之處在於佢烘過個包包!
登登登登............ 我地今日黎赤柱嘅主要目的, 就係要試下呢個"奪命西多士" 啦~~~
呢個"奪命西多士" 有咩咁正, 佢唔係正, 應該係勁勁勁正呀! 無牛油無糖漿俾你落, 黎到就食, 大家會問: 無牛油無糖漿, 點食得落呀?! 
答案正是無牛油無糖漿都一樣食到lam lam脷呀!!! 因為西多中間夾住嘅醬, 係非一般嘅醬, 有牛油香, 亦有甜味, 唔似只係溶咗嘅牛油同埋糖夾係度, 但係就唔知個pet係咩醬!
多士外層好香蛋味, 唔似西餐廳個d西多士就咁yam蛋漿就炸, 呢個西多好似係d蛋漿均勻索晒入包入面, 總之就正正正正正............................ 呀! 不過, 為咗等食呢件西多士, 我同張先生等咗差不多成個鐘, 等食呢件"奪命西多" (係由落order開始計時喎)
(諗返起都想再去食過呀!!!)
食飽飽, 我地就四圍逛......
赤柱大街
美利樓
跟住去咗北帝古廟同埋睇千年古井
古廟對住無敵大海景, 仲望到富豪海灣添呀~~ (左邊個堆就係)
黃昏下嘅美利樓 (黑忟忟, 咩都睇唔到, haha......)
赤柱巿景
新八間休憩處, 係呢d屋仔度住都幾正, 對出就係海灘仔, 黃昏時間仲睇埋日落
逛咗一陣就回歸!!! 去咗粉嶺雍盛苑同亞龍伉儷去酒樓自助烚烚烚, 好第喎~~ 四個人食, 三百零蚊埋單! 仲有好多熱盆提供, 又有粉絲蒸扇貝, 仲有蝦蟹聖子烚烚烚!!! haha...... 
食飽飽, 上咗亞龍伉儷屋企坐咗陣就返屋企倒數lu~~
訂閱：
意見 (Atom)