我己經係靚靚張師奶啦 ^o^

二零零六年四月廿九日，星期六，係我同張先生註冊o既大日子！好開心、好高興、好順利呢~~~

註冊前一晚與張先生、媽咪一齊扎花球，都好靚呢~~~~~haha......因為之前幾晚都瞓得唔多好，瞓下醒下，所以註冊前個晚因為太攰，都瞓得着覺，但六點幾醒過一次!!!

個朝一大清早八點幾就起床，九點幾去到髮型屋set頭，起初還擔心會整得唔好，畢竟未試過係髮型屋度set頭呢~~ 幸好最後都set得幾好，唔屈突!!! 最緊要係連要求高o既張先生都話set得ok，haha...

Set頭set咗差不多一個鐘，就拿拿聲飛的返屋企，因為我o既好友兼化妝師Ling一早就去到我屋企，一返到屋企就化妝，好在Ling快手快腳，45分鐘就化好妝！另外，好在shadow黎咗我屋企先，幫我整襟花同係花球綁絲帶，如果唔係一定唔夠時間吧！所以Ling同shadow都話我老定得濟，haha...我確實真係老定得濟o既，hehe...

我同張先生各自各去註冊處，但我地好巧合地係停車場相遇，我落車時佢部車駛上黎準備泊車！haha...跟住係註冊處入面影相，都有成五十位親友前來觀禮呢~~ 真係開心、高興！carmen個bb好得意，好受歡迎呢~~ 係人都跟！haha...

儀式進行期間，當入到禮堂，那股緊張o既心情從心中湧出來，當註冊觀進場時，我同張先生均企立，然後註冊觀講一輪嘢，之後我倆交換介指，張先生幫我戴介指時，我的手指不自覺地勁震，haha...跟住輪到我幫張先生戴，之後就讀誓詞，張先生可能緊張得濟讀錯字呢~~ haha......讀完誓詞，就簽字作實！

儀式完結，一身都鬆晒~~ 跟住係禮堂入面與各親友拍照留念，好開心呢~~ 影完相就大夥兒食午飯，好豐富呢~~

飯局之後，就返屋企沖涼洗頭，然後同張先生去咗元朗同佢d朋友karaoke，跟住打邊爐，打到成點鐘先返屋企！成晚張先生同佢d朋友講 '我老婆' ，haha...飲大咗！

個晚係我第一次係高速公路駕車呢~~ hehe...(因為張先生飲咗好多酒，不宜駕車) 行路返屋企途中，張先生問我為何無聽我叫過佢一聲老公，實在非常不習慣這樣叫張先生呢~~ hehe...另外，張先生又話我樣樣都好，唯獨是大家性格唔多夾，係呢方面其實未諗清楚結婚 =.= ，呢d係咪叫酒後吐真言呢?! haha...

翌日晚上，與張先生第一次同屋企人一齊參家親戚o既婚宴，張先生話好唔習慣呢~~ haha...同埋唔慣叫我爸爸媽咪呢~~ hehe.....結婚個個親戚原來都係係深圳影婚紗相，仲要係識得人所以用咗二千蚊影七千蚊個個package，wah........真係好第呢~~ 搵日同張先生上去睇下至得!!!

到第二日，同張先生去咗粉嶺雲泉仙館食齋，跟住就返屋企食飯!!!