昨晚睇National Discovery其中一個節目, 係講一隻彌猴"波波"的成長故事, 由另一隻女彌猴以第一身身份講呢個故事.
波波o既母親係前任猴王o既"王后", 但新任彌猴王繼位, 波波o既母親就死咗, 族群o既彌猴為怕得罪猴王 (猴子都好似人咁識得擦鞋), 年幼o既波波被族群排擠, 女彌猴是波波唯一o既朋友, 但係族群入面所有女彌猴都係猴王o既"女人", 本打算與波波一齊離開o既女彌猴, 趁住猴王唔多覺o既時候, 偷偷離開族群, 去找波波一齊遠走高飛, 當女彌猴搵到波波, 兩隻小彌猴像失散多年o既小情侶般攬作一團, 好溫馨o既場面呢~~
當猴王發現女彌猴唔見咗, 發晒爛咋, 一副好凶惡o既模樣, 其他彌猴都不敢接近, 非常害怕. 猴王四圍尋找波波與女彌猴, 終於係小石縫找到佢地, 佢地慌忙而逃, 波波知道佢非走不可, 不會有機會返回族群, 不會被族猴接納, 而女彌猴知道自己一定不能與波波一同離開, 佢地就咁就分開咗, 而波波開始展開一段恐懼而戰戰兢兢o既旅程.
波波離開族群, 走到山下郷村, 因為佢實在太疲累、肚餓, 於是爬上一棵香蕉樹食香蕉充饑, 與此同時, 另一群彌猴爬上蕉樹不停係咁食香蕉, 期實佢地唔係食落肚, 係將五六條香蕉塞入口腔中, 可能因為佢地只掛住食, 加上波波細粒, 所以沒注意到波波o既存在, 跟住幾位相信係農夫o既人帶着幾隻狗跑過來, 成群彌猴慌忙而逃, 而波波因少不庾事, 仍然傻更更的攬住條香蕉四圍望, 當有隻狗發現咗波波, 嚇得波波慌忙而逃, 而隻狗就不斷追住波波, 波波逃至一座廟宇入面, 走入地下一個小隙縫躲避, 身體縮埋一嚿, 一副極驚慌o既樣子, 而那頭狗就係隙口等待波波出來, 幸好有一隻彌猴係高處引開那頭狗, 波波才脫離險竟...
波波係城巿入面走來走去覓食, 途中遇到另一群彌猴群聚居點 ~~ 廢城, 波波不敢走近, 因為怕被佢地襲擊, 好幸運地, 有隻剛失去咗bb o既彌猴媽媽救咗波波, 更當咗波波係自己o既孩子, 收養咗波波, 從此波波就入咗這群彌猴群生活...
波波長大成猴, 更成為族群o既猴王, 過往族群與族群之間o既爭地盤鬥爭完全沒有, 波波亦沒有返回山上(佢o既出生地)...直至有一天, 波波年老了, 返回出生地, 係黃昏時份, 坐在崖邊, 佢真係老了, 在面懷過去的模樣...跟住係女彌猴o既描述下, 波波就係與女彌猴攬作一團o既洞入面死去.
整過故事都得好人性化, 而且描述得好細膩, 波波遇到o既恐懼、孤獨都表露無遺, 十分令人感觸呢~~~ 整個彌猴o既世界, 就像人類社會o既縮影、寫照! 而女彌猴o既旁述亦得感性!
直得一讚o既係, 攝影師捕足o既鏡頭, 很能表露出波波o既感覺, 尤其是波波返回山上, 坐在崖邊, 係日落o既背景襯托下, 直至係月光底下, 更顯波波對惜日o既經歷有所感觸 ~~~~ 真係令人覺得好感動呢~~~
