1 & 2 Jan 2006

尋日去完會展睇婚紗展，內裡大多是本地婚紗攝影，很少酒席攤位，好少嘢睇，但有一間叫 ‘伊甸園’ 嘅餐廳，promote係佢地個場搞註冊，同埋搞西式婚宴，佢地個個自助餐婚宴好吸引我，因為可以簡單得嚟又特別，可以唔駛咁煩，唔駛換嚟換去(換衫)，價錢都可以接受，可惜個度只能容納100人，所以……真係要考慮一下！今晚俾爸爸媽咪睇咗個plan，爸爸就無出聲，而媽咪就擔心d老人家唔鍾意自助餐形式！咁即係唔太鍾意啦！

去完會展之後去咗睇 ，全程係度講嘢，一個字 '悶' 呀！夜晚無節目，係屋企睇咗<格林兄弟幻險記>，又係一套悶戲，一直睇咗成個鐘都未知佢講乜 (事前無睇過劇情)！

今日就睇咗三套戲 - <黑社會>、<七劍>同埋<露寶治的世界>。<黑社會>都幾好睇，梁家輝演得真係好，故事流暢，都值得一看。而<七劍>睇到一頭霧水，可能係由四個鐘cut成兩個鐘的關係吧！亞武同志邦上天山求助至四大弟子下山解武莊之危，完全無交代為亞武同志邦如何成為老五同老六，另外，老大如何被風火連城捉咗呢？相信呢幕嘅打鬥場面應該幾精彩，但卻被cut咗！如果唔係cut咗咁多部份，相信呢套應該會好好睇呢~~另外，<露寶治的世界>係呢幾日睇咁多套戲最好睇，故事好有趣，幾搞笑，而入面d機械人都好得意，都係值得一看的電影。

<黑社會>

香港最大社團「和聯勝」舉行兩年一度辦事人選舉，「阿樂」與「大D」兩大地區領導，爭奪統領五萬會員的寶座，一眾有投票權的元老亦為自身利益而明爭暗鬥。「阿樂」獲選為辦事人，深心不服的「大D」挑戰幫規，他要搶奪最高權力象徵的龍頭棍，組織新社團。五名小頭目牽連其中，為爭奪龍頭棍展開連番內鬥。

<七劍>

滿清入關初，滿清親王哆格多頒佈《禁武令》，派前朝降清高手風火連城剿殺各地違令武林人士。武莊表面上是農莊實則是天地會的分舵，因此成為風火連城剿滅的下一個目標。俠醫傅青主為要解武莊之危，只帶了武元英和韓志邦上天山求助。隱居天山的鑄劍師晦明有四大弟子--充滿抱負的楚昭南，與世無爭楊雲驄晦明答應襄助，並把畢生修為煉成的七把寶劍分贈七人，展開「七劍下天山」的武林傳奇。

<露寶治的世界>

故事主人翁洛尼確不銅自小便立志成為一個偉大的發明家，就如他的偶像發明家大焊一樣，希望創造出一些出色的零件，改善機械人的生活。於是，洛尼懷著堅毅的意志，離鄉別井闖入大城市，決心實現理想！透過這次冒險旅程，洛尼結交到很多鬼馬的新朋友，例如經常令到自己「甩皮甩骨」的凡帝、可愛男仔頭琵琶、性感姐兒嘉比等等。洛尼結集各人的力量，聯手剷除陰險奸姣的機械企業主腦黑面拉查，創建一個美麗新世界！