天寒地凍 .

今日天氣突然變得好凍呢~~今晚仲話會跌到十一二度，新界仲要低兩三度，真正的冬天終於來臨了，但不知會否凍兩三天之後又會熱返呢？！希望聖誕節都係咁上下凍就好啦，咁會比較有氣氛呢~~

咁凍o既天氣就最好係大排檔打邊爐，夠晒風味！記得上年冬天成日同張先生去樓下個間強記打邊爐，特別係醉雞鍋湯底，簡直就正呀，一邊食一邊暖笠笠的~~諗返起都十分回味呢！都係時候計劃一下去打邊爐lu！

除咗打邊爐，咁凍o既天氣最好係被窩裡睡覺，但一諗起聽朝要早起就......  >.< 是一件非常痛苦o既事~~