聖詩頌唱遊戲日

15.10.2009

 

尋日臨放工劉老師至confirm B仔媽明天1045時家長可以入學校睇小朋友們表演唱聖詩, 學校校慶節目呢~ 好彩B仔媽可以臨時臨急都攞到半日假睇B仔表演啊~ HAHA......

 

今日仲叫埋舅父仔幫手影相呢! 舅父仔又肯SO B仔媽呢下至出奇喎!!!!!!

 

 

學校一開門, B仔媽仲唔九秒九急步去霸返個頭位睇表演咩~ hoho...... 一開始係K1班表演, 都有三分二小朋友跟住唱歌做動作, 之後就K2班, 大一歲果然又唔同, 全部都有唱有做運動, 之後就輪到N1班......

 

登登登登... 小綿羊們搭住膊頭出場......

 

 

個個都矇盛盛咁, 唔知發生乜事?! 唔知做乜咁多人係度望住佢地?! 唱歌... 更加無一個跟住唱, 實行話之你~ haha... 好得意呀! 又可愛! 個個都細細粒, haha.....................

 

B仔全程黑面, 無笑, 只係當見到B仔媽同舅父仔時就有笑~ 之後一直保持黑面......

 

 

 

B仔既同學仔呀!

 

 

表演完就排隊返課室...

 

 

 

N1班表演完就到K3班~ 表演完畢就舉行燈籠投票, 投票完就開始攤位遊戲!

玩完遊戲就SIR滑梯...

放學係公園SIR咗陣滑梯就返婆婆屋企, B仔媽都要返工LU~

 

BBQ同樂日

3.10.2009

 

今日約咗維納斯契媽一家、柏滔一家同埋翠思小姐一齊去上水塱原濕地農莊BBQ, 出發前B仔需要叉一叉電至去玩, 瞓到有型得佢呢~~~~~~

 

 

入到去都幾多嘢玩, 有電動車, 玩具馬仔騎, 餵羊, 上水大古碌, 不過啱大d既小朋友玩, B仔見d哥哥姐姐係度大古碌就笑到卡卡聲, wakaka......

 

唔啱玩唯有兩個小朋友係度玩吹Bubble...

 

向左走向右走 (男孩子版)

 

 

玩玩下見到天空上有飛機...

 

 

有棵迷李木瓜樹, B仔企係旁邊影相, 好得意呀~ 可惜對焦錯誤, 又要快影, 驚佢走去另一邊時跌落坑~ =.="""

 

 

到天黑齊時, B仔竟然攬實B仔媽, 喪扭要返屋企 =.=""""""" 扭咗好耐好耐, 結果要出動bubble槍, 有得玩, 暫時忘記一陣, B仔媽有一陣既安樂日子過下~ 玩到八點零就返婆婆家!

中秋節玩燈籠無食月餅

3.10.2009

 

今日係中秋節, 朝早同公公婆婆太嫲仲有舅父仔一齊去飲茶, 飲完茶係吉之島行咗一陣, 又係反斗城運吉咗一輪, 跟住返婆婆屋企樓下公園吹Bubble, B仔好開心呢~ 不停跑住拍Bubble, 都跑咗成個鐘呀! 嘆個下午茶便回婆婆家午睡!

 

 

晚上食飯後, 去咗蝴蝶灣賞月, 之但係實在太多太多人啦~ 行咗真係一陣就返屋企, 係樓下見公園有小朋友係度玩, 人又唔多, 於是就同B仔係公園賞月, 但B仔係不停咁跑, B仔爸就不停咁追, B仔媽就睇住兩仔爺跑, Haha...... 咁就跑咗成個鐘便回家!

 

 

睇下B仔幾型, 學人戴發光頸鏈, 拎住個發光波呢~

 

 

今晚見到天空上有好多孔明燈呀~ 原來呢頭d村興放孔明燈架喎!!!

 

今年B仔有四個燈籠呀! B仔媽一個 (thomas B仔自己揀架), 婆婆一個 (叮噹), 澄澄姨姨一個 (pooh pooh車車)同埋Adam叔叔一個(新幹線, 但B仔話係巴士), 多謝!!! 成屋都係燈籠啦~ 幾年唔洗買, hehe...

 

 

 

做冰皮月餅

2.10.2009

 

B仔媽開始懷疑會唔會星期日個晚B仔見到d 污糟嘢, 於是叫咗婆婆去紙紥鋪問下, 個亞姐問B仔身體有無發熱?! 有無嘔?! 無喎!!! 跟住再Check一check, 個亞姐話B仔無撞到污糟嘢喎! 咁即係.......... B仔既反常百份之九十九係因為星期日個餐飯局啦!!! 如果唔係點解無啦啦會咁架!!! 事出必有因!!!

 

今日B仔返學當然係如常唔肯返! 學校今日搞中秋慶祝活動, B仔帶咗婆婆買既叮噹燈籠返學校玩, 婆婆就準備咗兩個洋桃俾B仔帶返學校同同學仔分享, 上堂時B仔仲整咗個冰皮月餅添呀!

 

 

 

超鍾意食月餅既B仔, 見到個月餅仔, 係咁吞口水呢~

 

 

另外今日要帶塊樹葉同埋B仔既bb相返學, 劉老師話教佢地認識秋天, 同埋bb時候既自己, haha......

 

婆婆等B仔媽放工回來同月餅影相呀! 跟住就三人分黎食, B仔做既月餅, 真係零舍好味呀! 甜到入心呀! B仔媽仲留咗一忽仔俾B仔爸明天黎食呢~ hehe...... B仔都仲要咬咗忽至留俾B仔爸, wakakaka...

 

依家B仔媽要B仔每日畫一次畫 (當然唔知婆婆有無要求B仔畫啦~)

 

 

愁又煩

1.10.2009

 

自從星期日個餐飯局之後, 星期一同星期二入學校門口時都無異樣, 但上堂期間就玩玩下喊, 要搵婆婆, 星期三去到學校門口扭計唔入學校添呀, 老師抱佢話去玩車車, 都竟然話唔玩車車呀!!!

 

劉老師都有打電話俾B仔媽, 話可能B仔病剛好返, 又隔咗咁多日無返, 可能因為咁, 所以要搵婆婆, 又或者因為幾個同學仔病咗無返學, 人少咗, B仔又可能因為咁而唔習慣! 唉... 之但係我唔認為係因為劉老師所講既原因, 怕且係個餐飯局搞到B仔咁扭計!

 

婆婆話B仔呢幾晚瞓覺都紥紥跳, 瞓瞓下要搵婆婆呢~ 食過保嬰丹都係咁, 唉... B仔媽尋晚就領教過, 成晚好似無瞓過咁, B仔瞓瞓下覺搵咗三次婆婆, 清晨五點幾要B仔媽沖奶佢食, B仔媽成晚好似無瞓過覺咁, 八點半就拍醒B仔媽....... =.="""

 

唉... B仔由細到依家都未試過返屋企半夜瞓瞓下覺要搵婆婆呢~ 呢獲真係大濟呀! B仔記性又咁好, 幾時至忘記到佢唔開心既事呀?! 真令人擔心呀! 又容易扭計, 又痴身, 搭車坐坐下car seat都要扭計要B仔媽抱呀! 點搞呀?!

 

十一國慶, 朝早飲完茶就返屋企睇電視, B仔午睡咗都唔知有無一個鐘就醒... =.="""" 之後就同佢去踩咗一陣單車, 去食d嘢就返婆婆屋企!