三隻小豬一個墟

27.6.2009

今朝B仔晨咁早八點就起身, 食咗奶之後都唔願瞓, B仔媽半夢半醒咁睇住B仔(應該係B仔睇住B仔媽瞓下又醒下至真, haha...)

"迷幻" 到九點幾, 柏滔媽打電黎話食早餐, 仲要出發中~ haha... 真係唔多願郁, 無奈B仔唔肯再瞓兼拉咗屎, 唔起唔得lu~ 9秒9極速起床梳洗係樓下M記食早餐~ 同行仲有柏軒媽呢~

叫咗個熱香餅早餐~ B仔都食咗一半, B仔媽唔夠飽, 要叫多個魚柳包餐至食得飽, 同B仔一人一杯橙汁添, haha... 希望B仔唔會搞肚仔痛啦~ haha......

食飽飽就家訪B仔家玩~ 三個小朋友, 至乖係柏軒, 全程有九成既時間係痴佔媽咪大脾坐係度~ 怕羞? 還是懶?

而峻僑同柏滔呢兩個小朋友就四圍搜尋玩具! E~~ 呢兩個小朋友係度做緊咩呢?!

哦.... 爭波玩!!! 

一人一波咪好囉~

皆大歡喜! 不過柏滔好似唔多滿意咁喎~ HAHA...

爭完波就一齊排排坐玩車車......

幾咁困難至影到三個小朋友一齊呀~ 不過都好唔一致!

就係呢個籃球架至吸引到柏軒離開媽咪大脾一陣~ HAHA... 投籃幾咁有姿勢~

柏軒投籃, B仔就抬籃 =.=""""""

嘩... 又一罪証B仔爭玩具呀!

玩到咁上下小朋友們都差不多要午睡, 於是齊齊去街巿買餸, 就各自回歸~ 落雨抱住B仔去買餸都幾係嘢呀!!!

B仔今日發揮咗佢主場既威力 -- 惡霸! 成日搶人玩具! 好曳呀~~ 事後同柏滔媽傾計, 原來呢D就係主場威力, 係自己地頭, 惡晒! 諗真又係喎, 上次去柏滔屋企玩, 柏滔都好勁下~ haha... 但今回俾B仔搶玩具就笑晒口咁喎~ 原來小朋友都識分自己地頭架喎!

是日晚餐......

冬瓜豆腐肉粒湯

薑蔥蒸鯇魚 (蒸到過咗火喉添~)

蒜蓉粉絲蒸貴妃蚌 (好抵, 20蚊4隻, 仲要好甜好爽)

粟米冬菇炒肉粒

苦瓜煎蛋

今日買咗個苦瓜原來係心型架喎~ HAHA......

 

芒果布甸卷

25.6.2009

B仔媽放工無無聊聊, 見屋企d芒果就快爛, 於是上網搵食譜, 睇下有咩芒果甜品整下~ 結果... 就揀咗芒果布甸卷黎整~

都似模似樣咁~

之但係個皮硬得濟兼薄得濟~~ 可能落多咗花奶~ haha..... 下回再嘗試過~

參考食譜: http://hk.myblog.yahoo.com/MoonCook-MoonLife/article?mid=29769&prev=31489&next=31402

父親節快樂

21.6.2009

B仔爸快樂!!! 公公快樂!!! 爺爺快樂!!!

今日無節目, B仔晨早八點就起床, 又唔肯食奶, 於是晨早起身煮麵俾B仔食! 食飽玩一陣, 十一點左右又瞓咗, 瞓到成點, 搞掂晒就準備出發去上水見下嫲嫲, 點知... B仔爸打去, 爺爺話嫲嫲剛去咗開工 =.=""""" 唉........... 尋日又唔早講下晝要開工, 咁我地可以早D過去見下佢~ (B仔爸話嫲嫲掛住B仔想見下佢, B仔爸尋日咪話今日帶俾佢見下囉~~)

最近B仔學緊去toilet, 之但係尋日教佢時, 佢痾咗落條底褲仔至指住同B仔媽講尿尿 =.=""" 不過都好, 起碼佢識得同B仔媽講~ 於是間唔使B仔媽就的B仔坐馬桶~ 坐到佢有點不耐煩... HAHA...

唔洗見嫲嫲, 我地就去行咗陣街, B仔媽去配咗副眼鏡, 咁就無咗七百蚊! 之後去咗TASTE買壽司返婆婆屋企, 等夜晚開餐~

今晚婆婆只煲咗冬瓜湯, 跟住叫咗PIZZA外賣~ 仲有大盤壽司, 掛住食, 唔記得影相添~

影響心情的一天

20.6.2009

今朝要返工, 下晝放工返屋企回合婆婆去飲茶~ thank you婆婆湊B仔返屋企呢~

天氣確實熱到呢~~~ 攞命呀!!! 真係坐係屋企都會中暑呀!!! 三點幾買完餸返屋企, 咋咋臨同B仔沖涼午睡, B仔媽就整餸煲湯!

點知......................... 接近五點, B仔爸打黎問買咗咩餸?! B仔媽聽到都已經心裡有數...... 又一次令B仔媽扯晒火, 心情急轉直下......

B仔爸三哥同嫲嫲打黎叫今晚食飯慶父親節 =.="""""" 大哥大嬸, 你唔早D約, 呢一刻至知父親節呀?! 做節食飯又係咁! 生日飯又係咁! 想點呀?! B仔一家坐係屋企等你地餐飯開架咩?! B仔一家唔需要有節目, 呆坐家中等你地約呀?! 十次有十次都係咁, 乜唔可以早d約定架咩?! 獲獲都咁即慶, 好難受遮~

正當B仔媽同契媽傾計時下咗啖氣之濟, B仔爸三哥又打黎, 話記錯日子, 改明晚食 =.=""""""""" 你地玩晒啦~ B仔爸忘記咗明晚要同公公食, 仲應承佢哥 =.=""""""""""" B仔媽成個禮拜前已通知B仔爸, 又係無記性, 唔記得! 轉個頭嫲嫲就打黎話改聽晚, B仔爸至話唔得......

都唔明豬流感大流行, 最老八十歲, 最細兩歲都未有, 出面人咁多, 仲出去食做乜?! 人多菌多, 又難搵位, 可免則免啦~

結果, 今晚都係係屋企煮飯食! HAHA......

等開飯既B仔...... (家陣一開餐就自己擒入張搖搖凳度坐)

是日晚餐有.........

冬瓜湯 (消暑湯水, 正~)

薑蔥蒸紅中 (好貴呀~ 呢條魚唔大條都43蚊呀! 好滑! 如果今晚唔煮留返第二日煮就真係晒晒呀~ )

蕃茄炒蛋 (正!)

清炒油麥菜 (呢輪好似無乜菜好食, 今次D油麥菜有D苦添)

蒸蠔士 (麻麻地~)

 

謝謝各位支持~

謝謝各位支持~

B仔參加個攝影比賽已經完成投票程序........

結果...................

輸咗!!!!!

輸咗俾d哥哥姐姐~ haha......

賽果如下:

http://www.baby-kingdom.com/customer/gsk/minisite/index.php

 

明天截止投票啦~

6月17日最後一日接受投票啦~

請支持一下B仔~

--------------------------------------------------------

Ｂ仔參加了「第2屆GSK 守護一生攝影比賽」，這是Ｂ仔的作品：

http://www.baby-kingdom.com/customer/gsk/minisite/child_enlarge.php?pid=329

 

請投Ｂ仔神聖幾票！每日可最多投５票架～

感激！感激！

B仔新私竇

14.6.2009

今朝B仔八點幾就瞓醒~ B仔媽想瞓都無得瞓~ 於是起身煲粥做早餐! 食埋d粽~ haha......

12點左右B仔就頂唔順要午睡, 瞓醒就準備返婆婆家~

呢個小男孩唔知點解一見公仔就會攬到實一實, 勁開心, 勁鍾意~

返去之前去咗巿中心買床褥! 婆婆個度張床仔細得濟, 唔啱瞓啦~ 又放唔落張小童床, 如果唔係B仔公婆就無位行架啦~ 於是去海馬買咗張三接床褥, 大拿拿$199.9, 都好過瞓木板床丫~ 瞓住先啦~ 都係瞓多一年左右遮~

B仔見到個新竇, 新屎坑作怪, 係度爬黎爬去, 一時爬去婆婆床, 一時又爬返去自己個私竇...... 真係BUSY呀!!!

B仔張床仔就順便搬埋俾人類姨姨~ 好快人類妹妹就出世啦~ 好期待呀!!!

放低咗B仔係婆婆度, B仔爸媽就去咗威爾斯探昨日出世既少龍女! 勁勁勁似龍叔叔呀! 勁勁勁多又密又黑既頭髮呀! 唔知點解瞓覺好鍾意挈大個口仔呢~ 好得意呀!

見到朋友生女, 自己都好想有個女呀~ HAHA... 不過, 唔生啦~ 一個B仔夠啦, 經濟不景呀! Sandy契媽, 你快d生返個契女俾我啦~ 遲下肥B女搬埋過黎, 可以過下手癮~ HAHA...

今年第一次暢泳...

13.6.2009

今日又係無節目, 又係瞓到成11點, 跟住一家三口落樓下飲茶, 天氣麻麻, 所以無地方好去, 之後買餸回家~

返到屋企睇電視, 嘆返包利賓立~

就係咁, 倒到成身都係........

利賓立俾B仔媽沒收兼話咗B仔幾句...... 咪以為佢"BOOK"係度喊緊, 佢只不過扮傻咋~ 抬起頭仲係到笑騎騎扮無嘢!

下晝又無落雨又唔太晒, 於是一家三口落樓下泳池玩水~ B仔換好游水裝, 但要等B仔爸泵水泡呢~

泵好咗B仔爸都未捨得離棄佢既馬仔, B仔又貪得意坐上個水泡度睇電視................ =.=""""

有得玩就開心啦~

B仔媽吹咗B仔爸九萬幾云至捨得起行, 由少少陽光吹到無陽光~ 四點半落到泳池開始暢泳, 玩咗二十分鐘, 就話雷暴警告現正生效要走人!

B仔去到泳池超開心, 未有水泡時已係BB池度行黎行去撩個哥哥玩! B仔媽拖住佢竟想fing甩B仔媽手呢~ B仔爸攞咗水泡黎之後就自由暢泳, 係BB池度四圍行兼拍水, 仲要挈到個口大一大 =.="""

之後過大人池玩, B仔都無有怕, 仍然超興奮~ 不停咁拍水, 個口就不停入水 =.="""""" 玩玩下試下唔用水泡, B仔爸抱住佢黎扮游水, B仔一d都唔驚, 仲好似係度游狗仔式咁, 好搞笑呢~ 仲要唔肯坐返水泡呀!

雷暴警告被逐離場, 返屋企B仔嘆支奶就黎個傍晚睡一睡~ HAHA... 睡到開飯至叫醒食飯~

臨瞓前又玩樂一番~ B仔拎咗姐姐仔送俾B仔媽個手提按摩器黎碌! 唔知點解係都要那起件衫黎碌個大肚DUM~

又黎玩無聊自拍~ 好鍾意呢張相呢~ B仔個樣幾咁搞笑~ 好似好enjoy咁, haha.................

呢張相令B仔媽聯想起B仔細細個時既一張相~

是日晚餐太過普通, 薑蔥蒸鯇魚、焯菜心、瑤柱蒸水蛋、合掌瓜粟米湯 (太過普通, 唔影相LU~)

又黎粽餐 >.<

8.6.2009

尋晚係婆婆度包咗粽, 今次綠豆變咗做紅豆同埋微豆, 味道都唔錯, 但D肉就醃得唔夠味! 今云食咗三大兩細粽~

焗芝士南瓜餅, 焯菜心~ 再加多個外賣肉絲炒麵 + 例湯

勁濟! 勁飽呀!

又到無節目既週日

7.6.2009

今日B仔爸要返工, 今朝同B仔瞓到成11點, 正呀~ 瞓醒又係hea一hea既影相時候~ haha......

笑到樣衰衰的~~

俾B仔媽整古~ 叫B仔走返去自己張床仔, 但B仔媽就拉高過欄, B仔想擒返過大床, 唔夠高, 擒唔到呢~

真係好力水呀~ 自己擒到LONG住係度~ 都仍然繼續嘗試... (邊擒邊叫喊...)

放棄擒床, 就攤係床度喊~

B仔媽校返低個欄, B仔就九秒九擒過大床, 仲係度開開心心咁騎狗呢~

晏晝就湊B仔返婆婆度~ 係公園玩咗陣, 跟住婆婆想學包粽, 於是去咗買材料~ HAHA......