尋日真係勁唔開心, EO出咗trip, 其他dept.打電黎問野就搵我, 但有d野又唔係我控制範圍之內, 有d更加聽都未聽過, 有d直頭唔係我地嘅問題, 而係另一個dept.嘅問題, 咁都關我事 =.= , 但俾人話返轉頭 "你有責任去同xx dept.傾返, 攞個協調", 咁人地有人地嘅system, 都唔到我可以control架 =.=""" 唉.......... d人真係煩, 講就天下無敵, 鬼唔知有十項全能嘅system好咩...呢期唔興"有壓力", 興"要改善" !!!!!! 尋日下晝真係一浪接一浪呀! 仲要係一浪比一浪大! 
沒有EO的日子仲好漫長, 仲有成三個禮拜, EO先回歸office, 希望順順利利, 平平安安渡過啦~~
星期日嘅鏗鏘集講不育, 其中有兩對夫婦很希望有小朋友, 但結咗婚好耐都未有小朋友, 係科技不斷進步之下, 其中一對夫婦廿幾年前就進行試管嬰兒計劃, 分別成功地誔下兩名千金, 而另一對夫婦, 亦如願以常, 誔下兩個小孩, 這個醫學科技, 確實帶俾好多不育嘅夫婦一個新希望!!!
這個科技不但令不育嘅夫婦有一個希望, 對於有遺傳病嘅小朋友, 亦是一道曙光! 我嘅其中一位好好好...朋友, 很不幸地, 佢個小朋友自出生以來就已有嚴重地中海貧血症, 做媽媽嘅當然希望自己嘅小朋友健健康康咁成長, 而這門科技, 便能給予這位堅強嘅媽媽一點曙光!
整個過程都很艱辛, 做媽媽嘅當然希望用盡能力所及嘅辦法去幫自己嘅小朋友, 係心理同生理方面同樣受到極大嘅壓力, 曾經歷過上次嘅失敗, 今次再接再勵, 勇敢面對, 每行一步, 都戰戰競競, 真的沒人能比她嘅感受更深, 做朋友能做到嘅, 就只有支持佢, 同佢傾多D計, 並祝福佢成功, 小朋友健健康康咁成長!!! 睇鏗鏘集時, 見到、聽到"亞雯"講述自己嘅感受, 真係內心一酸~~~~~
希望全世界嘅小朋友都能健健康康, 活活潑潑, 快快樂樂咁成長!!!
上個星期三, 放工與Linco同埋Celia去咗九龍公園泳池游水, 游咗個幾鐘就走, 好攰呢~~ 又唔夠氣游, 佢地好犀利, 游得好快呢~~
星期六, 放咗工與張先生同埋佢"女朋友"去咗西貢半月灣陽光與海灘, 陽光好猛烈呢~~ 水溫又唔凍, 浸係水中好舒服, 攤係沙灘晒咗一陣陽光, 只係一陣間就晒黑咗少少, 如果再晒黑少少就好啦, 唔想白雪雪, 想有陽光嘅膚色, hoho......恨咗好耐 
, 希望十二月時白得切啦...如果唔係...做一個黑珍珠新娘lu (都幾型, 但唔靚)~~
呢個禮拜都算係過得充實, 其中一晚過咗shadow度做Tony嘅assistant, 個晚教整Vanilla Sky, 雖然係咁洗兜洗用具, 但可以從工作中學習整餅, 都幾好玩, 幾開心呢~~ 量重要有得學嘢之餘又有得品嚐個件蛋糕, 真係好好好......味呢 , 搵日試下係屋企整先得!!!
星期六個日去咗幫個好好好...朋友shadow度做data entry, 原本佢叫我幫佢搵人, 睇下有無人想搵part-time (其實佢咁問我, 都係想睇下我有無興趣), 見自己無乜嘢搞, 咪幫下我呢位好好好...朋友囉~~ 同埋份工又咁easy~~~ hehe......
Shadow本想四個鐘內入晒d嘢, 但佢實在太睇得起我呢, hehe......可惜我入唔晒呢(我已盡咗力), 真係感到好唔好意思呢~~ 擔心佢會以為我dump波鐘~~ 因為要係書架度攞d書落黎入, 入完又要放返上去, 都要時間, 希望佢唔好唔會啦!!! 
尋日去咗幫佢入埋餘下個d, 好可惜, 都係入唔晒~~ 仲淨返三份一, 希望下一次能夠入晒佢啦!!!
呢幾日都好busy, 返工又busy, 放咗工又busy~~
星期一晚上yoga, 嘩~~ 上完堂成個背脊痛, 因為個晚做嘅動作都幾難做呀!!! 第二朝起床更加唔駛講啦......自己又衰, 唔早d瞓, 顧住打機破細佬記錄, hehe......平時唔夠瞓, 背脊中間部位就會痛, 今次仲做埋yoga, 就成個背脊都痛~~~ 唉......自己攞黎, 顧住破記錄!!! 
星期二放咗工, 去咗幫個朋友手做data entry, 做到成十點先走, 之前幾晚都唔夠瞓, 就更加辛苦呢~~ 不過為朋友, 無所謂啦, 都希望能盡快幫佢完成呢份工作!!! 
呢個禮拜返工都好busy, 因為要搵d同學仔做工, 係呢個時期搵同學做嘢, 實在是一個難事, 因為一係去咗實習, 一係就有summer job, 講真, 有full-time唔做走去做你呢份part-time咩~~ 就係咁嘅原因之下, 搵十個有九個都係say no =.=, 真係麻煩呢~~~~~ 老細又成日催要早日完成呢個工序, 我都想, 但事實並不理想呢~~ 仲有好多paper work都未做, 一諗到此, 真係頭都痛~~~ 忙裡偷閒打下blog, relax一下!!!
整咗個藍莓芝士蛋糕作為父親節禮物之一~~ 整埋d裝飾, 靚晒~~ haha......^o^
味道就未知, 因為未食~~ 食咗之後再告訴大家好唔好味, 不過, 一定好好味, hehe......
Lunch time就去咗又一城Taste買生果, 諗住買starrberry做decoration, 點知一粒starrberry都見唔到有 , 係supermarket o既生果部行來行去, 唔知買咩好 
見到blueberry有特價 ($20.9)硬係要買啦, haha......淨係blueberry又單調咗d, 但又無乜生果啱做decoration, 見到有好靚o既美國車厘子, 但好貴, 七十幾蚊先得一磅, 買一盒仔都要五十幾蚊, 但又心思思好想買黎試下, 心諗又唔係成日買, 於是就買咗盒, haha...真係好好味, 甜甜地, 少少酸, 甜得黎又清, 正~~ 好味過深紅色個d車厘子好多呀!!! 行下行下, 見到d菠蘿又好正, 睇落好似好甜咁, 又忍唔住買埋, 結果......又買咗一百蚊~~~ 但係買o既過程就好開心, haha...
-------------------------------------------------------------------------------------------------------------------------------------------
唉...個蛋糕衰咗, 雖然味道就好好味, 可惜唔夠實, 個邊邊塔咗 , 應該唔夠魚膠水吧...... =.= 最衰屋企無晒魚膠粉, 改咗用魚膠片, 可能因為份量不準所致吧~~~ 究竟1g既魚膠粉=?g既魚膠片呢?????????
尋日放工去咗做facial, 一去到個consultant姐姐就介紹我做一部新機(我都唔記得係咩機啦), 本着試新嘢嘅心態去試下(不過預咗做完又長氣一輪), 試完確實明顯白咗, 不過做開個兩部做完都係咁上下,都會白咗, 所以都唔覺特別好, 再加上期間係手臂度貼咗個野, 將電流流去身體, 好讓個棒棒同面部通電, 但係塊面無乜感覺, 但手臂就電到好有反應~少少麻痺, 這個程序真係令我有點反感~~
原本約咗做開個位美容師姐姐, 但因為個部新機呢位美容師姐姐識做, 所以換咗另一住美容師姐姐, 但佢嘅手勢真係麻麻, 唔得溫柔, 都係做開個位美容師姐姐好, 佢d手指按得夠溫柔!!!
做完facial之後, 惡夢就開始, 我就不會加任何錢去轉plan, 一入到consultant姐姐間房(其實我係極度不願意入個間房), 我已表明立場, 但呢位長氣嘅consultant姐姐, 真係好麻煩, 又長氣, 之前遇到個兩位consultant姐姐都長氣, 但都無佢咁勁, 無佢咁煩, 佢係煩到唔肯俾我走, 係咁講講講......
講到由原本要加萬三蚊減到一萬, 又話用嘅嘢係靚過我依家做個d, 又額外每次送兩樣mask - eye & hand, 又話60次(每次做兩部機)可以俾我分開做, 即有120次facial做, 又係咁係度計數, 計到每次做facial平均都係百四蚊左右, 話我依家個plan貴, 點解有個平嘅唔轉(我好想同佢講: 乜我俾唔起咩~~不過費事串佢), 轉咗以後就唔會煩我(信佢至奇, 係咁出新機, 真係唔信佢唔煩我), 同埋又話轉咗之後個年幾兩年唔駛再俾錢, 又話可以將分期吞到年尾先開始扣數, 佢講得真係簡單, 因為個個唔係佢麻~~ =.= 同埋我跟本唔鍾意分期付款買嘢, 更何況做緊個d嘅分期都未完, 依加再加, 真係絕對唔得!!! 其實攞筆簽名走人, 但個位consultant姐姐唔肯俾我簽名, 又搶埋支筆~~ 又話佢好有誠意, 但我都好有決意~~ =.=
游說咗我咁耐佢都出到送三次彩光脫唇毛俾我, 又話二千幾蚊先做一次, 依家送三次俾我, 其實俾佢說咗咁耐, 自己都開始有點心動, 因為確實好似好第咁(依家做緊三百或五百一次, 轉咗就百四蚊一次)但又唔想繼續係咁供供供, 供極都未完嘅感覺好辛苦! 個刻真係處於兩難!!!
結果我就問佢, 如果轉, 會送d咩俾我, 佢講晒以上所提過嘅嘢, 唯獨是有一樣無講到 -- 三次彩光脫唇毛, 跟住我咪問佢: 乜唔係送埋三次彩光脫唇毛咩?! 佢就話:哎吔! 我已經做到最平俾你架啦~~ 送彩光真係做唔到俾你~~ 跟住咪同佢講咗一輪, 之前話送依家又反口, 跟住佢係咁話真係做唔到, 又話最多送一次俾我, 我咪話走, 下次先補返簽名, 跟住又話: 如果送俾你, 係咪真係轉先, 好啦好啦, 送三次俾你啦~~ 哼! 同我講數喎! 不過都無用, 我去意已好堅決, 因為佢實在太奸咋啦~~ 博我唔記得佢講過嘅嘢~~
結果, 我就俾呢位超長氣, 超麻煩嘅consultant姐姐煩咗我差唔多一個鐘, 浪費晒我嘅時間 =.=
呢兩日發夢都關於BB, 前晚發夢, 夢見瞓醒嘅我步出房門口時, 發現有張BB床放咗係度, BB個樣好可愛, 眼仔look look, 手仔腳仔郁黎郁去, 好得意, 張先生二嫂坐咗係遠處望住BB笑笑口, 而d姪仔姪女就圍住BB, 原來個BB係二嫂嘅, 夢境嘅我當時就諗: 生咗三個仲要生, 依家第四個... =.=" 醒咗之後同張先生講返呢個夢, 張先生第一個反應係: 唔係麻~~~
昨晚, 又發咗個關於BB嘅夢, 而呢個BB竟然係我同張先生, 個BB好細個, 似一兩個月大, 瞓緊覺, 最離奇係BB由奶奶抱返俾我, 下意識俾我覺得BB竟然俾咗奶奶湊, 最搞笑係我問奶奶俾咗D咩奶粉BB食, 奶奶竟然話: 係大力牌奶粉 =.=" 跟住鏡頭一轉, 成罐奶粉, 仲要係大大隻字寫住大力牌奶粉嘅奶粉罐影在眼前 =.=" (好似拍緊周星馳D笑片咁呀!!! haha......) 依家諗返起覺得好好笑, 但夢境裡面嘅我當堂 =.=""" 無啦啦發個咁騎呢嘅夢, 實在好搞笑呢~~ 應該係我潛意識反對第時生細路仔時唔俾奶奶湊嘅反應吧~~
星期一那晚, 由放工一直到放學都搵唔到張先生, 而張先生亦無搵我, 只係下晝時打過佢, 但聲音古古怪怪的, 似有事隱瞞, 想不到又俾我估中佢有古惑~~
放工至放學都一直搵唔到佢, 電話又飛咗去另一個人嘅留言信箱, 心諗佢實瞞住我北上吧~~ =.= 於是我決定放學過去佢屋企, 俾個"驚喜"佢.....
去到佢屋企, 終於搵到張先生, 原來去咗元朗同朋友打麻雀 =.= 去元朗都唔接我放學, 實在太過份啦~~ 跟住係咁催佢返屋企(當然佢唔知我身在佢家中啦~~), 當知道佢返到樓下, 就用匙鎖住鐵閘, 熄晒全屋嘅燈, 就像間屋沒有人咁, 放咗碟糖不甩係茶几面(俾d hints佢), 跟住就躲藏係睡房門口旁, haha...如我所願, 當張先生一入到房, 我 "嘩" 的一聲彈出黎, 同一時間, 被我嚇倒嘅張先生成個跳起並"嘩"咗一聲呢~~ haha.............
結果當晚就笑咗佢成晚~~~~~
以下只係一篇好短既醫生手記文章, 但已經足以令人雙眼通紅鼻酸酸 .....
有一位老婆婆 個子唔高 , 但係好肥 , 行路既時侯需要拐杖支持。
每隔兩個月老公公都會陪老婆婆到醫院覆診,
因為老婆婆患有高血壓。
某夜 , 老婆婆左邊身麻痺入院 ,
經過電腦掃描顯示右腦出血。
我如實話比老公公知 , 佢無出聲 , 只係無奈咁望住我 ,
淚水已經湧現。
第二朝, 意料之外 , 老婆婆既情況唔係想像中咁壞 ,
而且頭腦清醒。
入院之後既第五日 , 老婆婆問我 :
呢兩日伯爺公點解無黎探我既 ?
一個實習護士話比我聽 , 早兩日老公公突然心肌梗塞 ,
住左響對面既男病房。兩老無兒無女, 最親既都只係姪仔。
今日, 姪仔帶左兩樽果汁黎醫院 , 先去探老公公 ,再去探老婆婆。
過左幾日 , 老公公既病情剛剛穩定 ,就嚷住要出院照顧老婆婆,
經過一番溝通之後 , 主治醫生諗左一個折衷辦法 :
首先老公公換番自己既衫 , 坐住輪椅 ,由工友推到女病房門口 ,
而為左安全起見 , 醫生護士都要跟埋老公公一齊 .
老公公蹣跚地企起身 , 手執果汁 , 走到老婆婆床邊 :買比妳飲嫁。
老婆婆嗲起黎 : 呢幾日唔見你既伯爺公 , 咩事呀 ? 病左咩?
老公公微笑 : 唔係呀伯爺婆 ... 姪孫結婚啦 ,我要幫佢打點一下嘛。
呢一個, 係我咁耐以來聽過最動人最感動既一個謊話。
人生就好似變幻莫測既天氣 , 雖然可以預料 ,但往往都出人意表 ...
老公公既心臟日復日咁康復 , 準備出院那天 , 病情突然惡化,撒手塵寰。
姪仔辦理完死亡證明之後就黎搵我 ,要求暫時唔好話比老婆婆知
因為老公公死前遺 言 : 照顧伯爺婆,唔好話佢知我既事,唔想佢受剌激。
呢個時候, 無一個在場既人唔感動唔流下眼淚, 包括我 .....
當日我巡房既時侯老婆婆又問 : 伯爺公D果汁喝晒啦
點解佢又不見人?
護士強忍眼淚 : 妳唔記得左咩? 姪孫過兩日結婚啦! 老公公要幫手嘛。
第二朝清早 , 我發覺老婆婆床頭多左樽瓶果汁,聽到護士同老婆婆話 :
老公公剛黎過 , 佢見妳訓得咁甜 ,
唔捨得叫醒妳,放低果汁就走左啦。
當護士一轉身發覺我企響度既時候 , 立刻雙頰通紅。
我微微一笑 , 拍左佢膊頭一下, 慶幸佢果顆愛心 ,不為歲月冷卻。
當日下晝 ,護士長察覺坐響梳發對住窗望風景既老婆婆無左呼吸
,我迅速跑去一手抱
起老婆婆 ,再聯同護士將婆婆放上病床急救 ....
搶救二十分鐘之後 , 我宣布失敗 ....
我一邊寫報告記錄 , 一邊諗起「陪著你走」既一句歌詞 :
如果, 走到這世界邊端 , 我倆已是無力前行 ,跟我一起飛去.....
護士長走過黎同我講 : 估唔到妳咁大力 ,一手就可以抱起老婆婆。
我只係報上微笑, 因為我已經唔想講任何野,我怕我忍唔住眼淚
....老婆婆的確好肥, 但係好輕 ,因為佢既靈魂已經跟老公公飛走左啦.....
"愛" -- 雖然只係一個字
但係無人亦都無野可以具體咁解釋呢個字 ......
正如糖好甜, 花好香 ...根本無得解釋,要用心同親身體會先可以感受。
真正既愛~~應該係埋藏響心裡面, 去體會, 去感受, 去領悟.....
即使天會變~~月會圓 花會枯 人會老 .....
有生之年
請珍惜你所愛以及愛你既人
-----------------------------------------------------------------------------------------------------------
真令人感動o既一篇文章~~
在現今o既年代, 好多人都對婚姻看得很兒戲, 講唔啱就話分手、離婚, 兩個人能同諧到老, 仍相親相愛, 真的並不是容易呢~~
我很希望與張先生老o左o既時候, 健健康康, 依然咁相親相愛, 互相扶持, 拖住手仔去行公園、散步、出國旅遊......簡簡單單, 快快樂樂咁過埋呢一生呢~~ 就算離開, 都希望能一齊步向另一個世界, 唔駛掉低是旦一個!!!
曾聽說過, 有些恩愛的夫妻, 是旦一方離開咗, 在世o既一方都會好快跟埋走o左o既一方離開, 究竟是不是真的???
大陸高考滿分作文："誠信"漂流記
話說誠信被那個"聰明"的年輕人投棄到水裡以後，
他拼命地游著，最後來到了一個小島上。
"誠信"就躺在沙灘上休息，心裡計劃著等待哪位路過的朋友允許他搭船，救他一命。
突然，"誠信"聽到遠處傳來一陣陣歡樂輕鬆的音樂。
他於是馬上站起來，向著音樂傳來的方向望去：他看見一隻小船正向這邊駛來。
船上有面小旗，上面寫著 "快樂"二字，原來是快樂的小船。
"誠信"忙喊道："快樂快樂，我是誠信，你拉我回岸可以嗎？
"快樂"一聽，笑著對"誠信"說："不行不行，我一有了誠信就不快樂了，
你看這社會上有多少人因為說實話而不快樂，對不起，我無能為力。
"說罷，"快樂"走了。
過了一會兒，"地位"又來了，誠信忙喊到：
"地位地位，我是誠信，我想搭你的船回家可以嗎？
"地位"忙把船劃遠了，回頭對"誠信"說："不行不行，
誠信可不能搭我的船，我的地位來之不易啊！
有了你這個誠信我豈不倒霉，並且連地位也難以保住啊！ "
誠信很失望地看著"地位"的背影，眼裡充滿了不解和疑惑，他又接著等。
隨著一片有節奏的卻不和諧的聲音傳來，"競爭"們乘著小船來了，
"誠信"喊道： "競爭，競爭，我能不能搭你的小船一程？
"競爭們問道："你是誰，你能給我們多少好處？"
"誠信"不想說，怕說了又沒人理，但"誠信"畢竟是誠信，他說："我是誠信…… "
"你是誠信啊，你這不存心給我們添麻煩嗎？
如今競爭這麼激烈，我們'不正當競爭'怎麼敢要你誠信？
言罷，揚長而去。
正當誠信感到近乎絕望的時候，一個慈祥的聲音從遠處傳來："孩子，上船吧!
一個白髮蒼蒼的老者在船上掌著舵道："我是時間老人。"
"那您為什麼要救我呢？"
老人微笑著說："只有時間才知道誠信有多麼重要！"
在回去的路上，時間老人指著因翻船而落水的"快樂"、"地位"、"競爭"，
意味深長地說道：
沒有誠信，快樂不長久，地位是虛假的，競爭也是失敗的。
昨晚有一位好朋友Shadow接受電台訪問, 我這位好朋友真係溫文有雅又斯文, 多才多藝, 好學不倦, 又有一手好廚藝, 入得廚房, 出得廳堂, 擁有自己嘅事業、成就, 佢老公實在太幸福呢~~ 能有這位賢良淑德又叻嘅太太, Shadow確實是我的榜樣呢~~ 我都好想能好似Shadow咁, 學得一手好廚藝, 令張先生都覺得自己好幸福, 能有這樣能幹又溫柔嘅太太, haha......
Shadow成日都叫我斯文d、溫柔d對張先生, 但真係唔知點樣做先可以做到?! 昨晚問張先生: 你覺得我應該點改善先可以做到溫柔?! 張先生嘅回應係: 你樣樣都好, 但發少d脾氣就更加好... =.= 唉...我都已經發少咗好多脾氣啦, 都改善咗好多啦...... 每事必有因先有果, 都係張先生唔合作, 我先會發脾氣嘅遮..... =.=
"Together Is The Nicest Place To Be" "Happily Ever After" "Have Your Cake and Eat It Too"
今日Vivian同我講, 佢有個朋友個女朋友買我至愛o既公仔有折頭, 聽到呢個好消息, 實在令人眼睛發亮, 好開心呢~~ 一直都唔捨得買俾自己, 都係上下網睇下, 望梅止渴, 一直都係張先生送我, 同埋朋友們送o既結婚公仔, 終於可以以抵買價, 買自己o既心頭好啦!!! 第一個必買o既當然係 "Together Is The Nicest Place To Be" 啦!!! 第二個係 "Happily Ever After" 啦!!! haha......仲有一個 "Have Your Cake and Eat It Too", 本來都諗緊買唔買好, 但張先生話靚, 佢都幾鍾意, 叫我買埋佢, hoho ^o^......, 咁就一於買埋佢!!!
跟住睇咗upcoming products, 有兩個我都好鍾意, "My Dream Boat" 同埋 "Your Love Gives Me Wings", 不過買咁多個實在太貴啦, 如果要買都應該會買自己比較鍾意個個 "My Dream Boat", 因為好sweet sweet呢~~ hehe......
http://www.preciousmoments.com/ >星期六, 與張先生上咗深圳攞埋隻MTV, 終於攞晒同結婚相有關嘅嘢啦, 唔駛再去個度啦~~~~~~ 返深圳影相雖然好平, 但好麻煩, 影相就上咗去三次, 揀相一次, 睇排版一次, 攞相一次, 最後就攞埋隻MTV, 總共為咗D婚紗相就上咗去六次...... =.=
攞完相, 去咗揼骨, 拓完骨諗唔到去邊食飯, 就返樂園路華城食海鮮, 唔知點解次次去親呢間都咁多人, 硬係無位, 跟住咪諗住去湛江漁港食啦, 出到華城門口, 個待應問我地幾位, 跟住就帶咗我地去隔離個間麵包店入面, 裡面放咗十數張枱, 原來這間麵包店都係華城嘅~~ 好搞笑地, 我地就係第一次係麵包店入面食海鮮, haha......大陸真係乜都得!!!
食飽飽就返屋企睇<千里走單騎>, 故事內容都幾好, 一位日本人獨自走到言語不通嘅雲南, 為嘅係幫兒子達成心願, 但係過程中就還到很多困難, 最令我怎象深刻嘅係, 當高田與小孩子楊楊係路途中迷路, 高田緊緊攬住楊楊那一幕, 高田感受好深, 惜日錯過咗與自己兒子相聚的日子, 此刻想挽救都挽不住!!!
又有一幕導遊邱林一聲不響就將高田俾佢嘅錢俾返高田, 還以為邱林怕麻煩寧願唔要錢, 唔幫高田, 但經女翻譯蔣文解釋, 原來邱林唔係唔幫高田, 只係知道咗高田今趟老遠走到雲南就是為咗兒子健一, 所以義務幫助佢, 是問國內又有多少像邱林這類人會有錢都唔收而義務去幫人呢?!
另外, 去到村入面, 村委說的一句說話實在令整套戲有點失色, 就係當村委肯俾高田帶楊楊出村去見其父親, 村委同高田講 "看在日本人的面子" , 為何要俾面日本人呢?! 中國人民族意識咁強, 這個實在太不合理呢~~ 為何不是 "為咗楊楊可以見其親生父親" 呢?! 這個理由不是一個較合理嘅理由嗎?! 此片故事雖好, 但某些情節都未能反映真實嘅一面呢~~
--------------------------------------------------------------------------------------------------------------------------------------------
<千里走單騎>
高田接到兒子健一患病的消息, 從所居住的漁村趕往東京探望。但多年來的父子隔閡使兒子拒絕見他。但高田仍然決定幫助兒子去完成他的心願。高田獨自來到中國雲南, 在幫助兒子完成心願的過程中, 他遇到了很多意想不到的困難, 也結識了很多純樸善良的中國人。短暫的中國之行充滿了意外的經歷和從未有過的生活體驗, 這一切都使高田對兒子健一的內心世界有了很深的理解, 產生了強烈的父子共鳴。他完成了與兒子在精神世界上的彼此溝通, 也同時獲得了對親情與人生更多新的感悟。
--------------------------------------------------------------------------------------------------------------------------------------------
星期日, 一大清早(六點左右)張先生接到奶奶來電, 話入緊急症室, 我地就以最快速度起身, 去威爾斯睇睇奶奶發生什麼事, 原來係火車站暈咗, 老爺一直陪着她呢~~ 我第一次發現原來最緊張奶奶嘅人就係老爺!!! 我地去食嘢叫埋老爺去, 佢話陪奶奶, 買咗腸粉、馬拉糕俾佢食, 佢就琴琴青食咗個馬拉糕, 水都唔飲就行返去陪奶奶... 唔知奶奶看得出沒有?! 如果看得出, 為何還成日與老爺嘈交?!
這天真係累透了~~ 比返工還要早起, 之前一晚又夜瞓, 當晚只睡咗四個鐘 =.= 難得星期日晚上可以早睡, 剛剛熟睡時又被老細嘅來電嘈醒, 跟住眼光光咗一輪先瞓得着呢~~~~~~
一年一度o既端午節又到, 氣氛卻一年比一年遜色, 越來越不熱鬧了......記得細個住屋村時, 龍舟競渡就係附近舉行, 未瞓醒已聽到好彭湃o既鼓聲, 就算係以前睇電視直播, 尤其是播自己住個區o既時候, 雖然無隊認識, 但亦睇得份外緊張呢~~ 但依家就真係不感興趣了......還有, 爸爸會帶我地去游龍舟水呢~~ 不過都好耐無舉行過呢項活動lu~~ 
又記得早三四年前, 張先生都曾經同同事係沙頭角參加龍舟競賽, 真係好緊張刺激呢~~~ 抓完龍舟, 就食盤菜, 好高興呢~~ 不過近呢兩年就無搞lu......
今年o既端午節, 卻下起大雨來, 仲要發張先生脾氣呢~~ 就係因為睇戲, 我已同他講實買唔到飛, 但張先生係都唔信, 係都唔聽我講, 結果山長水遠由屋企出發去到沙田, 結果就係排晒長龍, 仲要落埋大雨添~~ 於是自己忍不住發咗佢脾氣, 而張先生見我咁硬頸, 佢發返我脾氣, 結果就各行各路, 打返電俾佢又唔理我 =.= , 於是咪各行各路, 但很巧合地, 真係向左走向右走, 係人群中見到佢路過, 但佢見唔到我呢~~ 而我亦無叫佢, 當我搭緊巴士停係紅綠燈時, 而佢部車就駛至並停係我隔離, 但佢亦係見唔到我, 呢d係咪就叫緣份呢?! 有乜理由咁都會遇到......
自己諗返都覺得自己唔啱o既, 咁都發佢脾氣, 無得睇咪無得睇囉, 去到無得睇咪等佢心息囉~~ 都唔明自己做乜咁好火氣, haha......
返到屋企, 因為爸爸約咗人, 所以提早五點食飯, 真係好似返咗n年前o既大陸咁呀~~~~~~~ 咁早食飽飯, 於是決定過去張先生屋企食多一餐, 話晒我地都結咗婚, 同埋自己發脾氣唔啱在先......haha.......
