蔡瀾給女人的忠告 / 蔡瀾話男人

蔡瀾給女人的忠告（好正的）

 

一、千萬別幻想你可以改換男性的個性，你只能更換的，
        是他在做嬰兒時的尿布。

二、當你的男朋友離家出走時，你能做些甚麼？把大門關上，
       永遠別讓他來。

三、要找男人，隨便找一個好了，別分年輕的或老的，他們都是一樣，他們不會成熟。

四、所有男人都是一樣，只是臉不同，方便你認出他是張三李四罷了。

五、不必把男人當傻瓜，他們本身已經是一個傻瓜。

六、猶太人的子孫在沙漠浪蕩了四十年，可想而知，
       甚至在《聖經》的舊時代，男人已經沒有甚麼方向感。

七、有幽默女人，不是會說笑話的女人。是聽了男人講話時，
        笑得出的女人。
八、當你的男人上司向你說：「你看來一點也不太忙嘛。」
        你儘管回答：「那是因為我每辦一件事，一辦就辦妥了。」

九、如果男人問你：「你的電話幾號？」
       你儘管回答：「要是我告訴你，我就要換新號碼了。」
       如果男人問你：「你住在哪？」
       你儘管回答：「要是我告訴你，我非搬家不可！」

十、如果男人問你：「你想念我嗎？」
       你儘管回答：「你不消失，我怎會想念你？」

 

十一、如果男人要求：「把我的早餐拿到上來吃。」
           你儘管回答：「那你去廚房睡覺好了。」

十二、如果男人問你關於書本的事：「你最喜歡看的是哪一部（簿）？」
           你儘管回答：「支票簿。」

十三、如果要叫男人做一件事，最好的辦法是向他說：
         「這件事你做不動，你太老了」

蔡瀾話男人

1  好男人，多數是醜的。
2  英俊的男人，多數很壞。
3  又英俊又好的男人，多數搞同性戀。
4  又英俊，又好，又很正常的男人，多數已經有老婆。
5  不英俊，但是好的，沒有錢。
6  不英俊，但是好的，又有錢的男人，多數以為你愛他們，
    是為了他們的錢。
7  英俊的男人，沒有錢，要和你交朋友，是為了你們的錢。

Single last day!!!

聽日係註冊o既大日子啦~~ 心情係點? 無特別緊張, 只擔心個爛嘴個度好唔好得切...唉!!!

今日就係single o既last day啦! haha...kit kit唔講都唔醒起添, haha...

今朝同媽咪飲完茶, 之後就去買花, 打算DIY花球, 呢束花好第呀, 買咗$95蚊咋, hehe...又新鮮又靚!!! 希望扎出黎都一樣咁靚啦~~~

 

Surprise~~~~~~

Linco古古惑惑, 同成班Friend底送咗份結婚禮物俾我, 真係好surprise, 話說放工時, Linco話一齊走, 出到門口附近就引導咗我入房, 一入到去, 成班friend底列晒陣, 原來佢地成班早有準備, 搞到我既驚喜, 又非常開心, 亦有點不知所措...實在太開心啦!!! 仲要係Precious Moment結婚公仔+兩個超可愛bb公仔+充滿祝福o既咭添呀~~~ wah............. 真係非常開心呢!!! ^o^ 想當年都買過呢個送俾一位非常要好的好友結婚禮物呢!!! haha.....

真係要係度衷心多謝各位的心意: Linco, Yanixa, Pinky, Kally, Celia, Franco, Vivian, Kit Kit, Iris, May, Franky, Philip, 正, King, Carol

多謝你地啊! 我真係好開心, 好感動, 好鍾意份禮物!!!!!!!

 

朱古力慕思蛋糕

尋晚整咗兩個朱古力慕思蛋糕(細個個留係屋企食, 大個個攞返公司), 有少少失敗, 因為原本打算用海綿蛋糕做底, 上面就朱古力慕思, 因為特登整到海綿蛋糕細d, 點知當倒咗d慕思入去時, 個海綿蛋糕底浮咗上面 =.=, 真無佢辦法, 唯有放入雪櫃雪硬, 打多一次慕思再加係面, 好在之前買咗d魚膠片放係屋企, 因為打第一次慕思時已用晒魚膠粉, 真係好彩買定放係屋企, 如果唔係, 夜嘛嘛, 都唔知去邊度搵魚膠粉, haha...

今朝臨出門口前, 特登切一件嚟試下, 好彩...都好好味, hehe...!!! 總算都見得下人! haha... ^o^

心情忐忑

仲有四日就係註冊嘅日子啦, 心情係點? 緊唔緊張? 少少咁啦, 其實最唔安心係當日唔知順唔順利, 食飯人數又唔太sure, 張先生又話請埋佢d朋友食, 呢個都唔係問題, 但佢又唔肯定d人係咪真係食 =.=, 搞到我覺得有d唔係咁心安~~~~~

唔知點解, 呢兩日好似有股無型嘅壓力在體內盤旋咁, 有d野硬住心口咁, 尤其是今日, 感覺十分強烈! 平時夜晚一撻落床就瞓着, 但呢兩晚要典一輪先瞓得着! 同埋開始感到想病咁~~ 成個人好攰呢......唉......每每重要時刻(想當年考試前夕必會病一病), 總會病一病先 =.=

好唔開心...

唉...係重要時刻, 特別係留住最美好嘅一刻時, 竟然疱疹發作(係嘴角旁邊) =.= ..., 真係勁唔開心...註冊個日唔知好唔好得晒......真令我擔心, 好生唔生, 呢個時候先黎生!!! 遲多一個禮拜生就話遮...

記得想當年畢業(form 5)前好興有一日成班同學四圍影相留念, 個時又係爛嘴, 留下一生嘅憾事, 唉... !!! 希望今次唔會啦!!! 希望及時係呢一兩日內好返啦!!! =.= 話晒係人生一大重事, 最美好嘅回憶!!! 

呢個星期忙到爆炸...

這個星期過得非常充實, 因為要收form, 頭個三日都唔算太忙, 但尋日就忙到爆炸!!! 唔知係咪香港人鍾意湊熱鬧還是喜歡排隊, 不論老少, 都鍾意排隊呢個風氣呢? 頭三日無乜人又唔交form, 到last day先黎交, 排隊排個幾鐘, 真係得閒得濟咩?! 早一兩日交同遲一兩日交唔知有咩分別呢?

家陣d所謂 '知識份子' , 有部份真係好無禮貌, 明知排到佢架啦, 仲攞個電話出黎打俾人, 坐到埋黎都唔捨得收線, 仲繼續係咁傾, 不過我就話之佢, 照問佢野!!! 有d醒目嘅就即刻收線, 有d就... =.= 傾少一陣會斷氣咩?! 有d同佢解釋咗建議佢同另一份一齊交, 佢又唔dad唔掉咁, 又想交又唔想交住咁, 又話依家交同一齊交都無分別架啦, 都係會延遲application, 咁嘅然佢咁講咪照收, 收咗又係度由疑... =.= 尋日收form真係收到爭d失聲呢~~~ anyway呢個duties終於算係曲終人散!!!

 

 

復活節假期

一連四日o既復活節假期轉眼間又完結啦, 呢幾日都無聊渡過, 因為張先生有兩日要開工呢~~~ 最充實都係上深圳o既一日遊吧! 有得食, 有得shopping, 有得買...haha...

昨日與亞姨舅父一班人飲茶, 都好耐無試過一班人一齊飲茶啦! 順便問埋註冊當日有誰會出席, 庾姨o既反應讓我感到有點尷尬, 因為佢o既第一個反應係: 個日要返工, 浩偉個朝又要學琴...... =.=

姐姐仔真係得意啦, 玩到唔知邊日打邊日, 尋晚打電黎問聽日(即今日)洗唔洗返工, hehe......玩到快樂不知時日過呀!!!

真言

相處時需要包容、相戀時需要真心、爭吵時需要溝通

孤獨時需要人陪、難過時需要安慰、生氣時需要冷靜、快樂時需要分享

 

小事幾則

星期三, 靚媽請食buffet(係機場富豪), 個度d凍解好好味, 好鮮甜呢~~ 三文魚刺身又夠厚, 好有口感, 仲有黑森林蛋糕同埋朱古力慕思蛋糕都好好味呢~~ : P 個度選擇唔多, 亦都唔少, 甜品選擇都算多!!! 恩恩生日一齊慶祝~~ 大個女啦, 由小妹妹變成一位小姑娘啦, 過多一兩年實高過我吧 (相對地, 自已開始越黎越老啦~~ =.= 唉~~ )!!! 細佬樣子無變, 越來越活躍, 越來越古惑, hehe......依家d細蚊仔真係越來越醒目啦! 越來越難以對付呀!!! haha........ 

星期四, 我放學, 張先生放工, 一齊去咗新世紀food court食晩飯, 本來想食個間日式野, 見佢咁多人等(羊群心理~~)咪即管一試, 點知等叫野食都等咗成5分鐘 (因為無人收銀, 顧住捧餐), 跟住有個職員話依家order都要等成半個鐘先有得食 =.=, 係咪真係咁好味呀~~~ 最後都係食返越箋!!!

尋日, 假期第一日, 上咗深圳吃喝玩樂, 飲完茶, 去咗唐宮書城睇書, 仲買咗三本甜品書添, 好平, 好開心呢~~~ haha...跟住係東門逛街, 勁多鞋買, 三十幾蚊都有對, 不過啱唔啱就另一回事, 睇中咗一對, 可惜無我個碼, 買咗一對白色o既高跟街, 若係香港買唔到, 就諗住註冊個日着! 逛完街, 去咗樂園路食海鮮, 又平又正, 10蚊有三隻蒜蓉燒生蠔(都有成3cm長架~~), 1蚊1隻扇貝(但勁細粒), 炒聖子, 一碟青菜, 半隻堪江雞, 埋單都只不過120蚊不找, 仲第過下晝去唐宮飲茶, 幸好今日無肚瀉!!! 食飽飽就去咗揼骨, 去咗個間韓國feel個間揼, 沖涼時真的好令人尷尬, 因為無o野隔, 無遮無擋, 睇晒全相~~~ =.=

今日, 陪張先生睇馬仔, 我中咗三T安慰獎呢~~~ 不過無買到!!! =.= 因為純粹與張先生係度估邊隻跑出, 最後獎金就無啦, 只係嬴咗張先生!!! 好在尋日無上廣州, 今日睇報紙, 原來有架火車撞到人, 如果唔係實濟留係火車上幾個鐘吧!!!

放多兩日假就要開工啦, 快樂o既時光過得真係快, 真羡慕d學生哥呢~~ 放成十幾日假.....下星期整個星期都將會忙到七彩, 做唔到自己的工作......因為要收form, 今次實又收到失聲吧~~~

小事幾則

星期五同同事去咗又一城cova食甜品buffet, 好好味, 好正呢!!! 尤其是朱古力蛋糕同埋opera蛋糕, 嘩...好好好......正啊! hohohoho......

星期六係屋企整楊枝金露, 好香, 但甜得濟, 失敗咗少少添...... =.=

今日與舊同學聚會, 都好耐無見啦~~ 記得想當年讀書時期o既我地, 放學就去茗閑情, 好開心呢~~ 今日一聚, 都好開心, 我地仲開玩笑, 以前就茗閑情, 依家就high tea, 過多幾年就ching住幾個靚b去飲茶, haha......

 

病了...

昨晚瞓得不好, 食過藥後便瞓覺, 但瞓到兩點幾時突然扎醒, 精神上好似已經瞓飽, 但肉體上係好攰好眼瞓, 真的好奇怪, 想瞓但瞓唔到o既感覺真係非常難受, 唯有自我安慰 '忍耐一下, 過咗呢段難受時期就會瞓着' ! 幸好爭扎咗一段時間最後都瞓得着. 不知是否因為醫生開咗隻勁d o既藥俾我, 激得濟搞成咁?!

直到鬧鐘響起, 成個人仍然好攰, 暈暈地, 企係度都浮下浮下, 神志不太清, 最後都沒有上班, 要請病假呢~~~~ 瞓醒一大覺, 當堂好多了, 至少起碼唔會頭暈暈! 下晝去咗造裙 (原先已計劃放工去做, 擔心趕唔切月尾着呢~~), 同埋帶張先生去睇咗婚紗, 之前係個度睇中咗件婚紗好鍾意呢!!! 張先生都好鍾意個度d衫, 所以最後還落了訂金添~~ 總算又煩少一樣!!!

 

花球DIY

今日放工, 原本要去上yoga, 但病了, 又咳又鼻塞又流鼻水, 為免傳播細菌, 都係不去上堂為妙!!! 無去上堂, 心血來潮去咗花壚睇花, 想買花自己整花球, 結果就整咗個用繡球花、桔梗、黃色小花(唔記得叫咩名)的花球！第一次整, 都算係咁囉......haha......

 

好耐無寫日記添...

嘩, 都成個禮拜無寫到日記lu, 因為呢個禮拜都幾私務繁忙呀, haha...

星期一依舊去學yoga, 今次都幾攰, 要用一隻手同一隻腳撐起成個人, 同埋有d動作都幾體力勞動呢~~

星期二去咗試妝, 都幾滿意, 所以已經俾咗訂金, 個晚試咗兩個妝, 一個cute d, 一個elegant d, 我比較鍾意elegant個個, 幾好幾好, 而妝都ok! 整體而言, 有人話靚, 亦有人話無厘特別! 而張先生就鍾意elegant個個髮型, 唔鍾意cute個個, 因為覺得後面太亂, 而妝方面佢就不太滿意... =.= 張先生真係難服待呀!!! 所以又因為化妝的不同意見而有點兒磨擦...

星期三下晝放假, 與張先生同埋佢 '女朋友' 亞龍同埋佢女友一齊上咗深圳睇佢地d婚紗相, 佢地係名百合度影, 係全統婚紗相, 唔同我地係鍾愛一生影個輯, 佢地個輯都影得幾靚, 平又平過我地, 影得又唔差, 服務又好, 相反我地個度貴d, 但影得並不理想, 呢樣都算, 鍾愛o既服務好差(俾錢前就好好乜都得)!!! 睇完佢地d相, 就帶咗佢地睇我地個d, 點知佢地睇完後, 彈到我地d相好似一文不值咁 =.=, 聽到佢地o既反應真係感到非常不開心, 佢地話 '結婚相由乜理由咁少婚紗同埋影呢d架 (佢係指民初look、花神傳說、印度風情、晚裝look), 亞生做乜着花恤衫+牛仔褲架, d衫都唔靚o既,  個個都係呢d做型o既...' 自己已覺得輯相唔係咁掂, 仲要咁樣俾人講, 聽到真係超唔開心呢~~~~~~~ 結果張先生係咁俾我煩住, 係咁同佢講好唔開心!!!

那天真係非常犀利, 係我咁大個人第一次下晝又打邊爐, 夜晚又打邊爐, 下晝去咗小肥羊, 夜晚去咗食全牛宴, d牛筋丸真係非常出色, 好彈牙, 仲正過樂園d牛丸, 食咗十幾粒都未覺夠喉~~~ 一個字「正」!!! 但係食完兩餐打邊爐, 第二日即刻黎料 -- 喉嚨唔舒服, 呢幾晚唔夠瞓, 依家演變成喉嚨痕, 又咳又流鼻水又鼻塞, 打咗兩日乞嚏!!! 好辛苦呢~~~~~~

星期四放工上英文班, 無乜特別!

星期五陪朋友去試妝, 都幾靚, 個頭都set得唔錯, 我較鍾意第一個頭, 後面一個一個o既圈圈, 好得意, 個位化妝叫我唔好陪人地去, 因為當你睇到人地個d, 自己個心又會覺得心思思...haha...佢都講中我部份心事, 因為我鍾意第一個頭呢...haha...

星期六終於等到呢日o既來臨, 因為連續返咗兩個星期六, 好攰, 加上自己又病病地, 原本打算瞓晏d, 點知又要陪張先生去拜山......=.= 下晝去咗沙田逛街, 但只係eye shopping!!!

星期日, 即今日, 去咗睇<男人之虎>, 幾好睇, 好好笑, 詹瑞文真係好犀利, 一人演多角, 完全係自己o既獨角戲, 由頭演到落尾, 不過我覺得上半場好睇d, 下半場有點悶! 夜晚約咗張先生父母同爸爸媽咪一齊食飯, 大家雙方家長第一次見面, 初初張先生仲擔心會有dead air, 唔知大家無乜計傾, 幸好佢地都由頭傾到落尾! 不過伯母真係心直口直嘅人, 一黎到坐底無耐, 就話我媽咪生得細粒, 我當堂心感不妙=.=, 第一次見面就咁話我媽咪......跟住又講佢倆老成日都嗌交, 真搞鬼...我老豆係咁引導伯母講嘢, 佢又係咁係度講, 真搞笑呢~~~ 大家分手之後, 爸爸一邊揸車, 一邊笑到無停, 就係因為張先生亞媽話媽咪細粒! 爸爸問我張先生亞媽係咪成日恰佢老豆, haha.....同埋認為佢亞媽係個幾惡嘅人呢, 細伯咁溫純, 實俾佢恰, 同埋係個幾難頂嘅人, 呢個絕對認同呀! 爸爸又話第時佢老豆行咗街, 得返佢亞媽一個, 張先生係細仔, 跟住張先生住的話, 你都幾麻煩, haha....我就回應我老豆: 我先唔同佢住, 我到時住宿舍! Anyway, 第一次見面都算順順利利渡過!